2004ko Ibilaldia Sopelana eta Leioako ikastolek antolatuko dute, baina egun berezi hori iritxi bitartean hasi dira jadanik honen inguruko kultur ekintzak antolatzen. Eta hauen artean datorren iganderako ikuskizun musikal bat izango da Sopelanan.
“Garaje sound”, ETB1eko ShowBT saioak prestaturiko musikal bat da. Gaur egun mundu mailan hain arrakastatsua den ikuskizun mota batekin bat eginez, Euskal Herrian egin den lehen musikal gazte, moderno eta freskagarria da 12 neska mutilek parte hartzen duten musikal ikusgarri eta entzungarri hau.
Emanaldi bakarra izango da duen produkzio tamaina dela eta. Aktore eta teknikari kopuru, eta duen azpiegitura dela eta ezinezkoa litzateke ikuskizunaren handik honakoa.
Musikal honek edozein herriko edozein neska mutil koadrilla batek izan dezaken arazo bat aurkezten digu. Kalean daude, ez dute beraien aisialdia non garatu. Eta arazo honen aurrean erabaki bat hartzen dute. Lokal bat alokatzea. Baina hau hasiera baino ez da. Segituan etorriko dira arazoak. Lokalaren jabea, beste bezero “errespetagarri” baten bila hasiko da, lokal honek gure lagunentzat duen esanahiarekin erreparatu gabe. Baina hauek ez dira burumakur geratuko eta nagusiari aurre egingo diote.
Baina ez da hau musikal honetan kontatzen den istorio bakarra. Maitasunaz ere hitzegiten da, gorrotoaz, bazterketaz…
Hau guztia ordubete irauten duen gaur egungo musikalik ikusgarri eta entzungarrienean.
Gogoratu IBILADIAK antolatzen duen emanaldi hau bakarra izango dela eta ezinezkoa litzatekela, BALEUKO, BETIZU eta SOPELANAko udaletxearen laguntzarik gabe.
Antolaketan parte hartzeko deia
'Elkarregaz heldu' lelopean, Leioako Betiko eta Sopelako Ander Deuna ikastolak dira 2004ko Ibilaldia antolatzeko arduradunak. Leioan egingo da maiatzaren 30an. Publizitatean, arropa dendetan, kulturan, kirolan, prentsan edota muntaian laguntzeko jendea eskatzen dute. Horrenbestez, Ibilaldiko antolatzaileekin kontaktuan jartzeko helbide elektroniko hau jarri dute: ibilaldia2004@yahoo.com
Ibilaldia 2004ko aurreko ekitaldien barruan, urtarrilaren 25ean, "Garaje Sound" musikala izango da ikusgai Sopelako Urko polikiroldegian, ETB1eko Show BT saioaren eskutik. Telebistatik kanpo egiten duten lehenengo aldia izango da igandekoa. Arratsaldeko seietan hasiko den ekitaldira bertaratu nahi duten guztiek, Ibilaldiaren dendetan, Sopelako Ander Deuna eta Leioako Betiko ikastoletan eta Sopelako udaletxean har ditzakete dagoeneko sarrerak; 6 euroren truke. Gainera, bizikleta zozketatuko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun