Marisa Arrue Getxoko PPko bozeramaleak atzo adierazi zuenez, "euskara sustatzeko aitzakiarekin, ezin ditugu lagundu terrorismoaren apologia egin eta biktimak umiliatzen dituzten pertsonak". Popularren zinegotziak dio Muguruza Kortatu eta Negu Gorriak taldeetako kide izan zela, "mundu erradikalaren ideiak defenditzeagatik gatazkatsuak izan ziren bi talde".
"Borroka armatua defendatzea eta Euskal Herriaren gaineko ustezko opresioa salatzea" egotzi zion Muguruzari Arruek. Are gehiago, nazismoaren apologia egin edota bere abestietan judutarren holokaustoa defendatuko lukeen taldea kontratatzeko prest egongo litzatekeen galdetu zion Zarraoari.
Miren Azkarate Eusko Jaurlaritza Kultura sailburuak, aldiz, euskal taldeen aurkako azken erasoak gaitzetsi eta "kanpainia antolatuaren zantzuak" daudela aitortu zuen, atzo ere egindako adierazpenetan. Honen arira, hainbat euskal musikarik azken asteotan Espainian jasan dituzten zentsura eta boikot kasuak "onartezinak" direla adierazi zuen Azkaratek, Halaber, kanpaina horren bitartez, euskal musikariei hitza kendu nahi dietela azaldu zuen: "Pentsatzen dutena adierazteko eskubidea ukatzen zaie, eta hori da hain zuzen, oinarrizko eskubidea izan behar duena".
Ignacio Casado Espainiako Autoreen eta Editoreen Elkarteko EAEko delegatuak ere "oso larriak" jo zituen azkeneko gertaerak.
Gaiaren inguruko albisteak:
"Kanpainaantolatuaren zantzuak daude" - Berria (2004 Urt 23)
Nahiz eta PPk debekatzeko eskatu, kontzertua emango du Algortan Fermin Muguruzak
2004ko urt. 23a, 21:58
Fermin Muguruzak urtarrilaren 31an eskainiko duen emanaldia bertan behera uzteko eskatu dio, EAJk, EAk eta IU-EBk osatzen duten Gobernu Batzordeari eta Iñaki Zarraoa alkateari berari, Getxoko PPk, "terrorismoaren apologia egin ez dadin". Udal Euskara Zerbitzuak antolatutako "Kantuketan 2004" jardunaldien barruan, kontzertua emango du egun horretan abeslari irundarrak, Algortako Portu Zaharrean. Hala ere, popularren eskaera ez dute kontutan izan Kultura Batzordekoek eta aktuazioa mantentzea erabaki dute.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun