Marisa Arrue Getxoko PPko bozeramaleak adierazi zuenez, "adinduen familiei bizkarra erakusten ari zaizkio erakundeak, hauek zaintzeko zama guztia senideen gain utzi dutelako". Berak emandako datuen arabera, 65 urtetik gorakoak 12 mila dira udalerrian. Eta 2001ean 350 lagunek jasu zuten laguntza etxeetan. "Eguneko egoitza berriko balizko bezeroak izango lirateke hauek", Arrueren hitzetan.
Zarraoak, aldiz, guzti hori gezurtatu du. Gaur egun, DYAk eta Oroitu enpresak udalerrian dituzten zentroetan eta Leioan kokaturiko Bizkaiko Foru Aldundiakoan jasotzen dute laguntza adinduek. "Egoitza horietan eskaintzen diren tokiak ez daude beteta", azaldu du Zarraoak. Dena den, etorkizunean leku falta egongo balitz, Jesusen Bihotza udal egoitza atonduko litzatekela gaineratu du.
Mozioa aurkeztuko du udalbatzan PPk
Jesusen Bihotza udal egoitzan eguneko zentroa jartzea eskatzeko, mozioa aurkeztuko du ostiraleko udalbatzarran PPk. Gainera, Nerea Llanos Bizkaiko Batzar Nagusietako kidea izan zuen lagun Marisa Arruek atzoko agerraldian. Batzarkide popularrak adierazi zuenez, "etorkizunera begirako ikuspegirik ez" dauka Aldundiak. "Hurrengo hiru urtetan, egoitzetan 3.100 leku sortuko dituzte, eta eguneko zentroetan 420 besterik ez", aipatu zuen Llanosek. Horretaz gain, "Getxon edo inguruko herrietan" horrelako zentrorik jartzeko asmorik ez dutela gaineratu zuen. Hori dela eta, Batzar Nagusietan ere proposamena aurkeztuko dute.
Pertsona nagusientzako Eguneko Egoitza berririk ez du behar udalerriak, momentu honetan, Iñaki Zarraoa Getxoko alkateak gaur adierazi duenez, "dagoen eskaintza eskaria baino handiagoa delako". Horrela, Jesusen Bihotza egoitzako beheko solairuan horrelako zentroa jartzeko PPk egindako eskaerari erantzun nahi izan dio.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun