Abanikorako autobusa eskatuko du Plentziako Udalak

Erabiltzailearen aurpegia
Isuskiza auzoa Plentziako metro geltokiarekin lotzeko, autobus linea jartzea eskatuko dio, berriz ere, Bizkaiko Foru Aldundiko Herri Lan eta Garraio Sailari, Plentziako Udalak. Duela urtebete eskaera berbera egin zitzaien, udal arduradunek adierazi dutenez, baina oraindik ez dute erantzunik jaso. Hain zuzen ere, Herri Lanak eta Garraio Saila da Bizkaibus zerbitzuetako arduraduna.
Ukberrik astelehenean jakitera eman zuenez, Aldundiarekin hartu emanak eduki ditu azkenaldian Plentziako Independienteak alderdiak, Bizkaibus zerbitzua Saratxaga eta Isuskiza auzoetara zabaltzeko asmoz. Irtenbide ezberdinak aztertuko zituela erantzun zien hauei Jose Antonio Asensio Garraio zuzendariak, "eskaria Udalak berak egiten bazuen", Silvia Lopez de Gereñu zinegotziak esandakoaren arabera.

Badirudi eskaria egingo dutela. Udal arduradunek aipatu dutenez, "egokia litzateke zerbitzua bertan bizi diren 600 biztanleentzat". Izan ere, behin baino gehiagotan eskatu diote metroarekin lotzeko autobusa jartzea Plentziako Udalari Abanikoko auzotarrek. Orain dela bi urte, bizilagunen ekimenez egindako txostenak ere autobusa beharrezkoa zela adierazten zuen, "gune horrelako biztanlegoaren hazkundeari aurre egiteko garraiobide publikorik ez zegoelako".

Gaiaren inguruko albisteak:

Saratxagan eta Isuskizan autobusak eskatu dituzte Plentziako Independienteek (2004 Ots 09)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun