Lankidetza akordioa sinatu dute Aldundiak, Demak eta Plentziako Udalak

Erabiltzailearen aurpegia
Sabin Arana Bizkaiko Foru Aldundiko Lan eta Trebakuntza diputatuak, Juan Hernandorena Dema-Enpresa Garapena elkarteko zuzendari-gerenteak eta Nicolas Oñate Plentziako alkateak elkarlanerako hitzarmena sinatu dute gaur Bilbon, enpresa berrien aholkularitzarako, Eskutik egitasmoa abian jartzeko udalerrian. Balmaseda, Bermeo, Urtuella, Alonsotegi, Gordexola, Portugalete, Santurtzi, Trapaga, Muskiz, Zierbena, Abanto, Sestao, Gueñes, Zornotza, Lekeitio, Durango, Zalla, Leioa, Erandio eta Txorierrin egin zuten antzera, Plentziako Udala batu da oraingoan egitasmora.
Demak eta Bizkaiko Foru Aldundiko Lan eta Trebakuntza Sailak diseinaturiko egitasmoa da Eskutik, eta enpresa-kudeaketa arlo ezberdinetan aholkularitza zerbitzuak eskaintzen dizkie dohainik sortu berriak diren lurraldeko enpresei. Enpresaren hastapenetan, sustatzaileak aholkatzea da helburua, ondorengo urteei begira, horren jarduera sendotzeko asmoz. Baldintza bakarra Bizkaian helbideratuta dagoen enpresa sortu berri izatea da.

Enpresa bakoitzari aholkulari bat jartzen zaio, eta aldizkako bilerak egiten dira berarekin urtebetean, zerbitzuak irauten duen epea, alegia. Aholkularitza lan hori hiru arlotan sailkatzen da: Finantza-azterketa, Marketing Egitasmoa; eta Betebehar Legalak eta Fiskalak.

Euskal Parkea

Gainera, egitasmo horretan parte hartzen duten enpresek Demak eskaintzen dituen hainbat zerbitzu eskura ditzakete, eta azoka, publizitate, ponentzia, ekitaldi eta informazio buletinetan parte hartu. Beste alde batetik, Euskal Parkean sartzeko aukera izaten dute enpresek, hau da, teknologia berrietan eta merkataritza elektronikoan interesa daukaten enpresa bizkaitarrak biltzen dituen enpresagune birtuala.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun