A eredua "diskriminatzea" egotzi dio administrazioari Erandioko PPk

Erabiltzailearen aurpegia
Haurrak euskarazko ereduetan matrikulatzea bultzatzen duen kanpaina kritikatu du gaur Erandioko PPk. "Haurren hezkuntza eredua baldintzatzeko saiakeratzat" jo du kanpaina, prentsa ohar baten bidez, Javier Ruiz zinegotziak, "gurasoei D eredua aukera onena dela esaten dielako". Ruizek esan duenez, "nahiz eta egiazkoak izan, haurren hezkuntza eredua aukeratzeko orduan gurasoen erabakia baldintzatzen duten datuak eskaintzen dira". Gainera, "abertzaleek eredu honi buruz egiten duten politika diskriminatzailearen erruz" gaztelaniazko eredua atzera joatea deitoratu du.
Zinegotzi popularrarentzat, antzerako tratamendu egitea "garrantzitsua" da, administrazio publikoetan existitzen diren eredu linguistiko guztiekin. Gainera, hezkuntza eredua "ez gidatzea" eskatu du, "ekimen honen atzean hizkuntzaren erabilera partidista duen asmoa baitago, arrazoirik gabeko biktimismoa bilatuz eta euskara suntsitzeko arriskuan dagoen lengoaia bezala aurkeztuz".

Bere ustez, egoera hau ez da errealitatearen isla, "euskararen ikasketa eta erabilera bermatuta baitago, eta ez gaztelaniarena". Bere alderdia euskal hizkuntzaren alde dagoela esan du eta hizkuntza bien "osagarritasunaren" aldeko apustua egin du.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun