Errekurtsoaren erabakiaren zain segitzen du Marian Perez del Riok

Erabiltzailearen aurpegia
Baldintzapeko askatasunaren kontrako errekurtsoaren erabakiaren zain segitzen du oraindik Marian Perez del Rio algortarrak. Errekurtso honen bista urtarrilaren 21ean izan zen, eta "egundo ez da kasu hauetan holako atzerapenik ezagutu", Algortako Amnistiaren Aldeko Mugimenduak jakitera eman duenez. "Espetxean 11 urte egin ondoren eta kalean baldintzapeko askatasunean urte bat baino gehiago daramanean ez dago inolako arrazoirik Marian berriro espetxean sartzeko. Marian gurekin nahi dugu, kalean eta libre!", adierazi dute.
Atzo bertan jakin zen, Iñaki Arietaleaniz “Bizkai” bergararraren baldintzapeko askatasunaren kontra fiskalak jarritako helegitea onartu egin duela Espainiako Audientzia Nazionalak. Arietaleaniz Marianen egoera berean zegoen, baina berriro atxilotuko zutelakoan ez zen agertu bistara eta orain bilatzeko eta atxilotzeko agindua dauka gainean.

Arietaleanizen bista urtarrilaren 24ean egin zen, eta Marianena urtarrilaren 21ean, hau da, hura baino lehenago. Dena dela, aipatu behar da Audientzia Nazionaleko beste auzitegi batean izan zuela bista eta, beraz, beste tribunal batek hartu duela erabaki hori. Baita ere, "orain arte egoera horretan izandako guztiak baldintzapeko askatasuna kendu eta berriro espetxeratzea agindu dutela epaile guztiek", Algortako Amnistiaren Aldeko Mugimenduak adierazi duenez.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun