Txitxiburduntzia Kanporamartxo egunean ospatzen da, hau da, inauteri aurreko egunean. Garai batean, familiak mendira irteten ziren, bere trepetxuak aldean zeramatzatela. Mendira heltzean, norberak zeuzkan gauzak atera, egurrak batu eta sua egiten zen. Bakoitzaren trepetxuen artean, lukainka edo okel zati bat eta egurrezko zotza egoten ziren. Orduan lukainka zotzak alderik alde zeharkatu eta suaren erretzen zen.
Antolaketan parte hartzeko deia
'Elkarregaz heldu' lelopean, Leioako Betiko eta Sopelako Ander Deuna ikastolak dira 2004ko Ibilaldia antolatzeko arduradunak. Leioan egingo da maiatzaren 30an. Publizitatean, arropa dendetan, kulturan, kirolan, prentsan edota muntaian laguntzeko jendea eskatzen dute. Horrenbestez, Ibilaldiko antolatzaileekin kontaktuan jartzeko helbide elektroniko hau jarri dute: ibilaldia2004@yahoo.com
Ibilaldia 2004ko aurreko ekitaldien barruan, Txitxiburduntzi Eguna ospatuko dute, otsailaren 15ean, Sopelan. Goizeko hamarretan Ander Deuna Ikastolatik abiatuko dira bertan bildutakoak, Munarrekolandatik igaro eta, berriro ere bertara bueltatzeko, bi orduko ibilbidea egin eta gero. Haur bakoitzak makilatxoa (zotza) eraman beharko du lukainka erretzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun