Esther eta Raquel Ezkerra izango dira egitasmoa martxan jartzeko arduradunak. Besteak beste, nagusiki eskulanak landuko dituzten tailerrak jarriko dituzte ostiralero, 17:00etatik 20:00etara. "Umeen gustokoak izan daitezen, espezialitate ugari jorratuko dira", arduradunen hitzetan. Horretaz gain, oraindik egunak zehaztuta ez egon arren, haur zein gazteentzako filmeak, antzezlanak, ipuinkontalariak eta pailasoak ere egongo dira.
Ludoteka eta irteerak
Ekintzak ugaritzeaz gain, denbora gehiago egongo da zabalik Pinuetako Kultur Aretoa. Gazteen arteko giza-harremanak bultzatzeaz gain, hauei aisialdirako alternatibak eskaintzeko asmoz, ludoteka zabalduko dute hurrengo hilabetetan. Esther Ezkerrak gaineratu zuenez, irteera kulturalak ere egingo dituzte, hilabetean behin hasiera batean. Lehendabizikoa Donostiara izango da, otsailaren 28an. Gurasoak etxean utzita, monitorrekin batera joango dira bertara gazteak.
Ihauterietan ere mozorro lehiaketa eta txokolate-jana antolatu du Irrifarrez elkarteak. Izan ere, urtean zehar ohikoak diren ospakizunak egin nahi dituzte Pinuetako Kultur Aretoan: Zuhaitzen Eguna...
Ume zein gazteentzako ekintza gehiago egingo dituzte Pinuetako Kultur Aretoan
2004ko ots. 18a, 22:25
Pinuetako Kultur Aretoak 6 eta 16 urte bitartekoentzako ekintzak ugarituko ditu. Karmelo Sáinz de la Maza alkateak atzo adierazi zuenez, Irrifarrez elkartea arduratuko da auzune horretako haurren zein gazteen kultur egitaraua sustatzeaz. "Auzunea biziberritzeaz gain, gazteak kultur ekintzetan parte har dezaten lortzea da helburua", alkatearen hitzetan. Irrifarrez elkarteak hasia da jada gazteentzako kultur egitaraua abian jartzen. Izan ere, aurreko ekimenak ez dute inolako eraginik izan Pinuetako bizilagunengan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun