Otsailaren 21ean (larunbata), berriz, haurrentzako animazioa egongo da karpan, 18:30etik aurrera, sarrera dohanik. Eta hurrengo egunean, Uribe-bazterra musika bandari egokituko zaio eguna alaitzea, ordu berean. Honetan ere udaletxeko karpan sartzea musutruk izango da.
Otsailak 24an (asteartea), goizeko 11:00etatik 14:00etara, tailerrak egongo dira txikientzat, eta ipuin kontalaria entzun ahal izango dute, 12:00etan. Arratsaldean, berriz, 17:30etatik aurrera izango dira haurrentzako tailerrak, mozorroen lehiaketarekin bukatzeko, 19:00etan. Honetan parte hartzeko arauak hall-kulturalean egongo dira, baina izen ematea hil honen 24ko 18:30ak baino lehen egin beharko da.
Egitarauari amaiera emateko, otsailaren 29an, Berangoko Simon Otxandategi dantza taldeak Maskarada lana eskainiko du goizeko 12:30ean hasita. Ekitaldi hau ere dohainik izango da.
Sopelan egitarau zabala antolatu dute aurten Inauteriak ospatzeko. Otsailaren 20tik 29ra bitartean, hainbat ekitaldi egingo dituzte udaletxe aurrean jarritako karpan. Besteak beste, ostiral honetan, "Inauteri Maskarada Festa" ospatuko dute, 21:00etatik aurrera, Peñatxuri Elkartearen laguntzari esker. Bertan, diskoteka, karaokea, opariak... egongo dira. Sarrera euro batean egongo da eta udaletxeko hall-kulturalean zein herriko hainbat tabernatan erosi daiteke, esaterako: Laiak, Brendan´s, Ertza, Gurea, Batzokia, Denver, sertutxa, La Kala, El rincón de la Habana, Etxebarri, zuri Haitz eta El Sitio. Gainera, sarrerarekin batera maskara bat oparituko da eta horretan agertzen den zenbakiarekin zozketak egingo dira. Maskara ipinita eramatea derrigorrezkoa izango da karpan sartzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun