Antolatzaileek partehartzaile kopuru handia batzea espero dute, adin guztietako lagunentzako zabalik dagoen lasterketan. Hiru euroko izenematearen bitartez, ongizate gaietarako dirutza biltzea da helburua. "Orain arte, 1.000 bizkarreko saldu dira, baina horrek ez du esan nahi lasterketan horrenbeste korrikalarik parte hartuko dutenik. Izan ere, helburua elkartasuna izanik, batzuk dirua ematen dute bakarrik, korrikaldiari muzin eginez. Edonola ere, 300 bat lagun espero ditugu", Dimas Ramos Getxoko Atletismo Taldeko buru denak lasterketaren aurkezpen ekitaldian zehaztu zuenez.
Talde horretako Manu Torralba atleta ere egon zen aurkezpen ekitaldian. Tindouf-eko iheslarien eremuetan egindako III Saharako Alkartasun Maratoian parte hartu zuen iaz berak, eta deia egiten die herritarrei, lasterketara joan daitezen, "ibilbidea era guztietako jendearentzat egokia baita". Bihar eman ahal izango da izena Bizkaiko Zubian bertan.
Bildutako diruaren Sahararako elikagaiak erosiko dira eta ATFAL Elkartea eta Getxoko Udala bera arduratuko dira haraino garraiotzeaz.
Lasterketa herrikoia Getxon Sahararen alde
2004ko ots. 28a, 21:24
Bertako biztanleentzako elikagaiak erosteko dirua biltzeko asmoz, Sahararen aldeko I Lasterketa herrikoia ospatuko da, igande honetan (otsailak 29), udalerrian. Horretarako, 3 eurotan jarri dute izen ematea. Getxoko Atletismo Taldearekin batera, Getxo-Sahararen Aldeko "Atfal" Elkarteak antolatu du ekitaldia, besteak beste, Udalaren babesarekin.Korrikalariak 10:30etan aterako dira Areetako Bizkaiko Zubi paretik eta, Txurrukako moila eta udalerriko itsas pasealeku osoa zeharkatu ondoren, Algortako Portu Zaharrean izango dute helmuga, guztira 4.600 metroko tartea betez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun