Arrapala mekanikoak bi zatitan jarriko dituzte. Lehenengoa Sarrikobaso eta Bidezabal kalearen arteko gurutzabidean dagoen errotondatik Urkiola kaleraino, ezker aldeko espaloian. Eta bigarren zatia gune horretatik Bidezabal metroko geltokiraino.
Iñaki Zarraoa alkatearen iritziz, "konponbide hau oso garrantzitsua da udalerriarentzat, malda handiko aldea delako eta horretaz gain, metroko geltokia eta osasun zentroa daudelako goiko aldean".
Villamonten ere jarri nahi dituzte
Hauek dira Udalak jarriko dituen lehenengo bi arrapala mekanikoak, baina ezaugarri hauetako egitura gehiago jartzeko asmoa dago. Horietariko bat Villamonteko enparantza eta Algortako metroko geltokiaren arteko lotura izango da eta bestea, Aldapa kaletik Villamonte edo Sarrikobasora artekoa. Udalaren asmoa ahal diren toki guztietan arrapala mekanikoak jartzea da eta baldintzek uzten ez dutenean, beste irtenbide batzuk bilatzea.
Urtearen amaierarako egon litezke Bidezabaleko arrapala mekanikoak
2004ko mar. 1a, 22:14
Bidezabal kalean arrapala mekanikoak egiteko proiektuaren idazketarako laguntza eta aholkularitza, eta lanen zuzendaritza esleitu ditu Getxoko Udalak, 48.500 eurotan. Kopuru honetatik, 21.500 euro proiektua egiteko dira eta gainontzekoa lanen zuzendaritzarako. Egitasmorako epea hiru hilabetekoa izango da, eta jarraian, lanak aurrera eramateko epea ere beste hiru hilabetekoa izango da. Horrela egitura berri hau urtearen amaierarako bukatuta egotea espero dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun