Beste alde batetik, Arrigunagako aldean eta Erromoko Santa Eugenia kalean haurrentzako jolasak ipintzeko beste 21.665,46 euro bidertatzea onartu ditu Udal Gobernu Batzordeak. Iñaki Zarraoa alkateak prentsaurrekoan azaldutakoaren arabera, Udalak zenbait kulunkagailu jarriko ditu inguru hauetan, bertan gero eta auzokide gehiago bizi direlako eta horiek mota honetako instalakuntzak eskatzen dituzte.
Horrela, udarako, Arrigunagako zelaietan, sabaia duen dorrea, txirrista, igotzeko sarea, sokazko eskailera, kulunkagailu bikoitza eta bi malgukizko jolas jarriko dituzte. Bestalde, Santa Eugeniako plazan kulunkagailu bikoitza, txirrista eta hiru malgukizko jolas ipiniko dituzte.
Hondartza aldean ez-ezik Erromoko Santa Eugenia kalean ere kulunkatzekoak ipiniko dituzte
Arrigunagako skatepark-aren erreforma eta urbanizatze proiektua onartu du Getxoko Udalak, 50.940,85 eurotan. Egitasmo honen helburua patinatzeko gunea handitzea da, kirol hau praktikatzeko aukera gehiago emanez. Gaur egun dauden "half-pipe", "pool" eta "bank" egiturak batu eta beste ekipamendu batzuk ere jarriko dituzte, tartean, forma zilindrikoak, eserleku txiki batzuk eta hondartzarako jeitsiera mugatzeko baranda. Modalitate honetarako aldea egokituko dute, lur eremuak hormigoizko gune bilakatuz.
Arrigunagako skatepark-aren erreforma eta urbanizatze proiektua onartu du Getxoko Udalak, 50.940,85 eurotan. Egitasmo honen helburua patinatzeko gunea handitzea da, kirol hau praktikatzeko aukera gehiago emanez. Gaur egun dauden "half-pipe", "pool" eta "bank" egiturak batu eta beste ekipamendu batzuk ere jarriko dituzte, tartean, forma zilindrikoak, eserleku txiki batzuk eta hondartzarako jeitsiera mugatzeko baranda. Modalitate honetarako aldea egokituko dute, lur eremuak hormigoizko gune bilakatuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun