Mota honetako lehiaketak Gipuzkoan eta Nafarroan ohikoak dira, eta Bizkaian ere, indarra hartzen ari dira. Horrela, Abra Saria genero honetako benetako erreferentzia bilakatu da dagoeneko, antolatzaileek adierazi dutenez.
Bertsolari gazteen lana bultzatzeko ekimena abiaraztea pentsatu zen, orain dela hiru urte, Getxo udalerrian. Lehendabiziko edizioan, Nerea Elustondo urretxuarrak irabazi zuen txapelketa. Igaz Jon Martin oiartzuarra izan zen irabazlea, eta ondoren Gipuzkoako Bertsolari Txapelketan bigarren saria eskuratu zuen.
ALBE Algortako Bertsolari Eskolak antolatuta, eta Getxoko Udala eta Kultur Etxearen laguntzaz, Abra Sariaren hirugarren edizioan lehiatuko diren sei bertsolariak maila garrantzitsua dute eta bertsolaritzan punta-puntan daude gaur egun. Epaimahaiari dagokionez ere, Euskal Herri osotik helduko dira bere kideak.
Gonbidapena ALBEn (Karitate kalea, 1-16. bulegoa. Algorta), UKn (Amezti, 6-4. solairua- 5. bulegoa. Algorta) eta Algortako Kultur Etxean (Villamonte) jaso daitezke jada, dohainik, edo 13an bertan txartel-lehiatilan ordu bete lehenagotik.
Sei bertsolari gazte lehiatuko dira larunbatean Getxoko Abra Sarian
2004ko mar. 10a, 20:37
Euskal Herriko toki ezberdinetatik etorritako sei bertsolari gazte lehiatuko dira, martxoaren 13an (larunbata), Areetako Andres Isasi Musika Eskolan ospatu den Getxoko Abra Sariaren hirugarren edizioan. Besteak beste, Egoitz Zelaia (Hendaia), Ander Lizarralde (Oiartzun), Iñaki Apalategi (Beasain), Beñat Lizaso (Azpeitia), Jokin Labaien (Arrasate) eta Xabier Paia (Getxo) arituko dira 19:00etan hasiko den ekitaldian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun