Kirolak 2004-03-17 19:35

Diman espeleologia-ibilaldia antolatu du Berangoetako Kultur Etxeak

Erabiltzailearen aurpegia Ukberri
Karabigane futbol taldearen argazki erakusketa ikusgai

Martxoaren 27an (larunbata) Dimara irteera antolatu du Berangoetako Kultur Etxeak, bertan egingo den espeleologia-ibilaldian parte hartzera berangoztar guztiak anima daitezen. Metro geltokitik izango da irteera, 8:30etan, eta 19:00etan itzuliko dira. Martxoaren 21ean (igandea) amaituko da izena emateko epea, Simon de Otxandategi kaleko 64 zenbakian dagoen Berangoeta Kultur Etxean. Berangon erroldatuta daudenek 10 euro ordaindu beharko dute Dimara joan ahal izateko; beste herrietakoek, berriz, 12 euro. Informazio gehiagorako: 946 682 143
Argazki erakusketa

Beste alde batetik, Karabigane futbol taldeko argazkien erakusketa hartuko du, martxoaren 28a bitartean, Berangoeta Kultur Etxeko Erakustaretoak.

Izan ere, 70ko hamarkadatik gaur egunera, berangoztar ugari izan dira taldean jokatu dutenak. Besteak beste, jokalari gazteen irudi eta fitxak, Karabiganek lortutako sariak eta garai bakoitzean erabilitako arropak egongo dira ikusgai, astelehenetik ostiralera, goizez, 12:00etatik 14:00etara, eta arratsaldez, 16:30etik 21:00etara.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa