Udalerriko ostalaritza-lokal eta saltokien barruan zein kanpoan sortzen den soinu maila neurtzeko kontratuak 2004ean luzatzea erabaki du aste honetan Udal Gobernu Batzordeak. Lan honetaz arduratzen den enpresak taberna, jantoki, dantzatoki eta industria instalazioetan egiten ditu neurketak, bai egunean zehar, bai gauean. Iaz 2.641 euro bideratu ziren honetarako eta, zarata dela eta, 33 salaketa egon ziren udalerrian.
Ibilgailuek kalean eragindako zaratak neurtzea aztertzen ari da Getxoko Udala
Orain arte, ostalaritza, merkataritza edota industria instalazioetan baino ez ditu egiten soinu maila neurketak horretaz arduratzen den enpresak. Hala ere, kalean ibilgailuek eragiten dituzten zaratak ere kontuan hartzea aztertzen ari da Getxoko Gobernu Batzordeak. "Horretarako egungo arautegia aldatu beharko litzateke, herritarrentzako hiri lasaia eta atsegina mantendu ahal izateko, oraindik ikertzen ari bada ere", zehaztu du Iñaki Zarraoa alkateak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun