Birziklatzeko edukiontzietan utzitako etxeko hondakinen portzentaia hondakin guztien ehuneko 14,52koa izan zen. Hala ere, hondartzetako, udal lorazaintzako, Garbiguneko edo beste mota batetako hondakinak ez daude datuetan. Guztira, birziklatzeko bildutakoa ehuneko 20a izan zen, Fernando Burzako Getxoko Udaleko Ingurugiroko saileko arduradunaren arabera.
Birziklapena gehien areagotu den urtea da 2003a, (%20,68), ondoren fluoreszentena (%14); paperarena eta beirarena ere areagotu egin ziren; ontzienak behera egin zuen (%1,14) eta pilena mantendu egin zen.
Sortutako arazoei dagokienez, batez ere merkatariek papera edo kartoizko kutxak bere edukiontzietatik kanpo uztea eta botilak ordu ez egokietan edukiontzietan sartzea dira. Gauza hauek konpontzeko, Udalak kontzienziazio kanpainiak jarriko ditu martxan eta beira kopuru handiak errezago utzi ahal izateko edukiontzi handiagoak ipintzeko aukera ere aztertzen ari da.
Orokorrean, 2000 urteaz geroztik birziklatzeko joera goranzkoa izan da atal guztietan, guztira ehuneko zortziko hazkundea izan baitu. Datu hauen arabera, 2000an eragindako hondakinak iazkoak baino gehiago izan ziren. Horiek oso positibotzat jo ditu Iñaki Zarraoak Getxoko alkateak.
Udalak hondakinak kudeatzeko duen kalitate-sistemarekin eta " 21eko Tokiko Agenda" delakoarekin bat dator, "jasangarritasuna eta garapen jasangarria kontuan hartzen dutelako" alegia.
Birziklapena areagotu egin da Getxon eta zabortegian utzitakoak behera egin du
2004ko mar. 22a, 22:47
Iaz 32 mila tona hondakin baino gehiago batu ziren Getxo udalerrian eta horietatik 27.469 tona zabortegian utziak izan ziren, Udal Ingurugiroko Sailak birziklapenari buruz aurkeztutako balantzearen arabera. Balantze honek birziklapenaren kopuruaren hazkundea txikia dela erakusten badu ere, zabortegian utzitako hondakinen kopuruaren beherakada adierazten du. Beste datu positibo batzuk ingurumenari birziklapenak dakartzan onurak dira, tartean, hamaika mila zuhaitz bizirik mantentzea eta energia, ura, petrolioa eta beste mineral batzuk aurreztea. 2003. urtean zehar gure udalerrian batutako paperarekin 36 mila zuhaitz eta baso-lur 767 mila metro koadro babestu dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun