Joan den urtean 24.153 kg elikagai bildu ziren Getxon eta Udalak 18 mila euro eman zuen Garapenerako Lankidetza proiektuak aurrera eramateko diru laguntzetan.
NBEko Elikagaien Mundu Programaren arabera, fondo eskasak erabil daitezke elikagaiak lortzeko, honetan lagun dezakeen kontribuzio erregularrik ez baitago. Gainera, murriztapen honek errefuxiatuen osasunean eragin handia izango duela ere adierazten da, batipat bost urtetik azpiko haurrengan eta haurdun edo edoskitzaroan dauden andrazkoengan.
Kanpaina, datorren apirilaren 2ra arte luzatuko da eta hiritar orori dago zuzenduta, baina bereziki ikastetxetan egingo da. Ondoren, oraindik zehaztu barik dagoen asteburu batean, Leioako Artea eta Abantzadan dituen saltokietan ere elikagai bilketa egingo du Eroski taldeak.
Argibide gehiago honako telefono zenbaki hauetan: 655 740 681, ATFAL Elkartearena, edota 94 466 01 30, Getxoko Udaleko Gizarte Zerbitzuena.
"Sustatu itxaropena" karabanak egoskariak, arroza, olioa, pasta, azukrea eta atuna oliotan eramango ditu TindouferaHerri saharauiarekin elkartasuna adieraziz eta lankidetza eta senidetzarako udal politikaren harira, "Sustatu Itxaropena" Elkartasun Karabanarekin bat egin dute beste behin Getxoko Udalak eta ATFAL Sahararen Aldeko Getxoko Elkarteak. Bizkaiko Sahararen Aldeko Elkarteek eta Fronte Polisarioak antolatuta, Aljerian dauden Tindoufeko errefuxiatuen eremuetara elikagai iraunkorrak bidaltzea da elkartasun kanpaina honen helburu nagusia, hala nola, egoskariak, arroza, olioa, pasta, azukrea eta atuna oliotan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun