Algortako hiru gazte inputatu gisa deklaratzera deitu ditu Getxoko epaitegiak

Erabiltzailearen aurpegia
Zigor Goikoetxea, Endika Lejarzegi eta Borja Gutierrez inputatu gisa deklaratzera deitu ditu Getxoko epaitegiak, "autoritatearen agenteei erresistentzia eta lesioak" kaeguak egotzita. Getxo udalerrian 2002an ospatu zen Ibilaldian txosna bat jartzea galerazi zien herriko gazteei Ertzaintzak, eta "euren jarkiera pasiboa zigortu nahi dute orain, polizia autonomikoak berak jarritako salaketaren bidez", Algortako Amnistiaren Aldeko Mugimenduak deitoratu duenez.
"Prozesu hau ere gazte abertzaleen kontrako jazarpen polizial eta judizialaren barruan kokatu behar da. Ertzaintzak gazteen ekimenak erreprimitu eta zapaltzeaz gain, gazte horiek espetxeratu nahi ditu gezurrezko salaketak jarriaz", gaineratu dute.

Endika Lejarzegi espetxean dago gaur egun, baina ez du ematen Getxoko epaitegira ekarriko dutenik deklarazioa egitera. Deialdia kalean balego bezala egin diote, eta agertu ez eta espetxean dagoela egiaztatzen dutenean exorto baten bidez hartzen zaie deklarazio presoei holako kasuetan.

Hain zuzen ere, gazteek jasaten duten "krininalizazio eta zigor politika" salatzeko asmoz, manifestazioa deitu du Bilbon larunbat honetarako (martxoak 27) Gurasoak elkarteak. Jesusen Bihotza Plazatik abiatuko da, 17:30ean.

Atzekimendu ugari jaso ditu Gurasoen manifestazioak - Berria (2004 Mar 26)

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun