Haur eta Gazte Liburuaren Nazioarteko Eguna ospatzeko, bereziki 3 eta 8 urte bitarteko umeentzat zuzendutako txotxongilo ikuskizuna antolatu dute, Barrikako Udal Liburutegian. 17:30etatik aurrera, "Non dago haizetxo" emanaldia eskainiko dute Algortako Teleskopio antzerki taldekoek.
Beste alde batetik, hilabete bakoitzeko lehenengo eta azken larunbatean egingo diren haurrentzeko aisialdi-jardueren barruan, buztinezko eskulanak egingo dituzte apirilaren 3an. Gaztetxoenentzako ere bestelako ekintzak egongo dira. Argibide gehiago nahi izanez gero, deitu 94 677 10 62 telefono zenbakira, edo alicia.otxandategi@barrika.net helbide elektronikora idatzi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun