Jendartea 2004-04-05 23:00

Adin txikiko bi atxilotu dituzte Erandion kotxea lapurtzeagatik

Erabiltzailearen aurpegia Ukberri
Ustez ibilgailu bat lapurtzeagatik, hurrenez hurren, 13 eta 15 urteko adin txikiko bi atxilotu zituen atzo Erandion Ertzaintzak. Lapurtutakoen zerrendan zegoen kotxea eta Txorierriko korridorearekin lotzen den BI-637 errepideko zatian utzi zuten abandonaturik lapurrek.
Arratsaldeko seiak baino apur bat beranduago Erandioko bizilagun baten deia jaso zuen Ertzaintzak, adingabekoak ziruditen bi gaztek kotxea abandonatu zutela iragarriz. Bertara joan ziren polizia agenteek ibilgailua lapurtua izanaren antza zeukala egiaztatu (kalteak zituen zerrailak eta zubia eginda zegioen) eta telefono deia egin zuenak emandako datuekin bat zetozen bi gazte atzeman zituen, Enekuri bidean autostopa egiten.

Beasain eta Galdakaoko, 13 eta 15 urteko bi gazteak komisaldegira eraman zituzten, kotxearen jabea bilatu artean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa