Trenbidea berriztatzeko lanak egiteko, Bidezabal eta Areeta arteko zerbitzua kentzea erabaki du Metro Bilbaok, asteazken honetatik aurrera, datorren astelehenera arte. Konpainiako iturriek janarazi dutenez, denbora horretan, autobus zerbitzua izango dute erabiltzaileek, metroetako ordutegi berean. Euren helmugara heldu artean, aipatutako bi geltokietan egin beharko dute garraio-aldaketa bidaiariek. Hain zuzen ere, horien ondoan egongo dira autobus-paradak.
"Erabiltzaileei eragozpen gutxien eragiteko" aukeratu dituzte Aste Santuko datak Metro Bilbaoko arduradunek, egun horietan bidaiari gutxiago baitago. Bost egun horietan zehar, Neguriko geltokitik hurbil dagoen trenbide zatia berriztatuko dute. Besteak beste, lurzorua altxatu eta errailak, trabesak eta balastoak aldatuko dituzte. Lanek zati horretaqko drenajea hobetzen lagunduko dute, bide batez, "bezeroen segurtasuna eta erosotasuna bermatzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun