Besteak beste, 9:15ean abiatuko da autobusa Berangotik, igande horretan, herriko Kultur Etxeak antolatuta, eta 21:30ean izango da itzulera. Salneurriari dagokionez, 8,50 euro ordaindu beharko dute bertan erroldatutakoek, eta 10 euro beste herrietakoek. Gainera, antolatzaileek adierazi dutenez, mugatuak dira lekuak. Beraz, lehenbailehen izen ematea komeni da. Horretarako, maiatzaren 6ra arte egongo da zabalik epea, Simon Otxandategi kaleko Berangoetako Kultur Etxean edota 94 668 21 43 telefono zenbakira deituz.
Plentziatik, berriz, 8 eurotan daude autobuseko txartelak. Informazio gehiago gura duenak Plentziako Kultur Etxera hurbiltzea besterik ez dauka.
Hainbat eta hainbat dira, Uribe Kosta eskualdean, Iparraldeko ikastolen festan parte hartzeko, autobusak jarri dituzten elkarte eta erakundeak. "Geroa egun gurea" lelopean, Herri Urrats 2004 ospatuko da, maiatzaren 9an, Senpereko lakuan. Jaialdiaren 21. edizioan bildutako dirua, bizpahiru urteren buruan, Ziburu eta Larzabalen eskola bana zabaltzeko erabiliko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun