Martxa 9:30ean abiatuko da, Bilboko Zazpi Kaleetako Esperientzia Geletatik. Bertan, ibilbidearen plano bat eta amaitutakoan Martxoaren Hamaika kiroldegian bazkaria hartzeko egiaztagiri bat jasoko dute parte hartzaileek. Gainera, doako autobus zerbitzua egongo da kirol-instalazio horretatik metroako Astrabuduako geltokira, 12:30etik 14,30ak arte.
Guztira 13 kilometro izango dira, unibertsitatea gizartera hurbiltzeko asmoz, eta unibertsitate-komunitatea eta gizarte osoa, guztion esku dagoen jarduera fisiko baten bitartez, osasun zaintzearen garrantziaz ohartarazteko.
Izen emateko orria (pdf)
EHUk osasunaren aldeko martxa antolatu du iganderako
2004ko api. 27a, 21:51
"Unibertsitatea tipi-tapa osasunez" izeneko lehenengo martxa antolatu du maiatzaren 2rako EHUk. Lasterketa Bilbon hasiko da, Leioako campuseko Martxoaren Hamaika kiroldegi berrian bukatzeko. Unibertsitateko iturriek jakinarazi dutenez, martxan unibertsitate-komunitateko eta populazio osoko kideek har dezakete parte. Ekimenak ez du lehiaketa-izaerarik izango, eta bere helburuen artean, EHUk Bilbon dituen zentroak eta Leioako campusa lotzea dago. Halaber, unibertsitate-komunitatean eta populazio osoan osasunaren zainketa bultzatzea lortu nahi du. Izen-emateak dohainik egin daitezke ostegunera arte (apirilak 29), EHUko Bizkaiko Kirol Zerbitzuaren Bulegoetan (94 601 58 94), zentro bakoitzeko Unibertsitate Orientazio Zentroko bulegoetan, edota Bilboko EHU-BBK Etxeko Atezaindegian. Antolakuntzan parte hartzen duten ikasleek aukera askeko kreditu bat jasoko dute.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun