"Iparra galdu gabe" hitz jokua gonbitea da Hego Euskalerriko herritarrek Iparraldeak bizi duen egoera sozio-politikoa ez ahazteko. Horrela azaldu dute prentsaurrekoan Iñaki Zarraoa Getxoko alkateak eta Pantxoa Etxegoien Ipar Euskal Herriko Euskal Kultur Erakundeko lehendakariak.
"Iparra galdu gabe" jardunaldiak gaur osteguna, arratsaldeko bostetan hasi dira, Euskal Kultur Erakundeak sortutako "Iparraldea" ikusentzunezko erakusketa elkarreragilearekin. Honetan 400 argazki, 15 soinu zati eta 10 minutuko ikusentzunezkoa aurkitu ahal izango ditugu. Honen bidez, Ipar Euskal Herriko geografia, ekonomia, historia, kultura, bizimoduak eta euskara jorratzen dira, besteak beste.
Erakusketa zabalik egongo da, maiatzaren 8 arte, arratsaldeko bostetatik zortziak arte, Urgull kaleko Algortako Kultur Etxearen egoitza izandakoan.
Maiatzaren 2an, 12:00etan, dantza ikuskizuna egongo da Algortako Geltokiko plazan "Ezpela" eta "Angeluarrak" taldeen eskutik. Egun berean, 12:00 eta 17:00etan, "Azika" taldeak "Kontu konta zan" txotxongilo ikuskizuna aurkeztuko du Getxo Antzokian, Marijane Minaberryren mundu magikoan oinarrituta. Ikuskizun hau ikusteko sarreraren prezioa 2 eurokoa izango da.
Hurrengo egunetan, Ur Apalategi idazlearekin hitzaldia, Koldo Amestoy eta Pantxitx Bidartekin ipuin eta musika ekitaldia, eta Ipar Euskal Herriko produktuen azoka-pintxo dastaketa egongo dira, besteak beste.
Ikusi egitaraua agendan
Ipar Euskal Herria Getxotik inoiz baino hurbilago
2004ko api. 29a, 23:29
Getxoztar guztiek Iparraldeko errealitate sozio-kulturala ezagutu dezaten, "Iparra galdu gabe" jardunaldien bigarren edizioa antolatu dute Ipar Euskal Herriko Euskal Kultur Erankundeak eta Getxoko Udaleko Euskara Zerbitzuak. Gaur hasita maiatzaren 8ra arte luzatuko dira. Jardunaldi hauetan kontzertu, hitzaldi, mahainguru, ikuskizun antzezpenak eta, Urgull kaleko Algortako Kultur Etxearen egoitza izandakoan egongo den erakusketa elkarreragilea jasoko dituzte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun