Beste alde batetik, udalerrian prebentzio programak aurrera eramaten dituen talde teknikoa mantentzeko, 130.069 euroko dirulaguntza eskatuko dio Eusko Jaurlaritzako Drogomenpekotasunen Zuzendaritzari Udal Gobernu Batzordeak. Era berean, Drogomenpekotasunen Prebentziorako Programak aurrera eramateko beste 72.625 euroko dirulaguntza ere eskatuko dio.
Udalak 83.597 euro banatuko ditu Gizarte Zerbitzuekin kolaboratzen duten elkarteen artean
Beste alde batetik, datorren maiatzaren 28ra arte, zabalik egongo da udal Gizarte Zerbitzuekin kolaboratzen duten elkarteek urtero Getxoko Udalak ematen dituen dirulaguntzak eskatzeko epea. Aurten Udal Gobernu Batzordeak 83.597 euro banatuko ditu, iaz emandakoaren aldean hazkunde nabarmena izanik.
Urtez urte deialdi honetara aurkezten diren elkarteek alor desberdinetan egiten dute lan, besteak beste, haurren, emakumezkoren, gaixotasun batzuek jotako pertsonen alorretan edo lana bultzatzen .
Urtero Udalarekin hitzarmen bat sinatzen duten elkarteak deialdi honetatik kanpo geratzen dira. Iñaki Zarraoaren hitzetan, Udalaren asmoa da lan sistema hau bultzatzea, hitzarmenek epe luzerako lana finkatzea ahalbideratzen baitute, Udalak ezarritako helburuekin bat etorriz gainera.
Getxon 354 lagunek jasoko dituzte gizarte larrialdi laguntzak
2004ko mai. 3a, 23:01
Gizarte Larriialdi Dirulaguntzak udalerriko 354 lagunen artean banatzea onartu du Getxoko Gobernu Batzordeak. Eusko Jaurlaritzak emandako 634.567 euro banatuko ditu guztira, aurten erakunde horrek onartutako 930 mila euroen bi heren alegia. Diru kopuru hau nahiko izango ez balitz, udal aurrekontuetako beste 200 mila euro laguntza hauetara bideratzeko asmoa du Getxoko Udalakk, Iñaki Zarraoa alkatearen hitzetan, "beharra duen edozein laguntzarik gabe gera ez dadin".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun