"Aurreko urteotan izan diren herritarren ilarak ekiditu nahi dira Fadurako bazkideentzat erosoago izan dadin. Ondo funtzionatzea espero dugu, nahiz eta, adinen arabera edo mailen arabera tarteko, prozesua zaila izango den. Hala ere, dena ondo joatea espero dugu, horrela sistema hau etorkizunean ere errepikatu ahal izateko" Iñaki Zarraoa Getxoko alkateak gaur goizean prentsaurrekoan azaldu duenez. Ikastaroen prezioak 14,20 eta 94,35 euro artekoak izango dira.
Egitaraua
Uztailean 359 toki eskainiko ditu Fadurak Aerobic, Abentura, Grand Slama, Jolasketan, Dibertiuda, Igeriketa, Tenisa eta Padel ikastaroetan eta abuztuan 160 plaza Tenis, Padel, Igeriketa, Dibertiuda eta Jolasketan ikastaroetan.
"Jolasketan" ekitaldia 4 eta 6 urte artekoentzat da, goiz entretenigarria eman dezatela. Jolas psikomotriz eta jolasteko ekitaldi, txango txiki eta tailer batzuen bitartez heziketa jasotzen dute.
"Dibertiuda" 7 eta 9 urte artekoentzat da eta, mugimendua haurraren garapenerako parte integrala bezala kontuan harturik, jolasak, kirolak, txangoak eta piszina izango dituzte. "Abentura" 10 eta 13 urte artekoei dago zuzenduta. Ekitaldi nagusia inguruko mendietarako irteerak dira-eguraldiak horrela baimentzen duenean- martxa egiteko eta aldi berean ingurunea, fauna eta flora ezagutzeko. Besteak beste, tirolina, taldetako kirolak, itsasoko ekitaldiak edo etxolen eraikipena ere egingo dute.
"Grand Slama"tenis eta padeleko udako kanpusa da, 12 eta 16 urte arteko gazteei zuzenduta. Kirol hauetan ibilitakoek akatsak zuzenduko dituzte eta estiloa eta teknika hobetu ere.
Gainontzekoei dagokienez, Aerobic eta Padel ikastaroak 14 urtetik gorakoentzat dira; Igeriketarenak 4 urtetik gorakoentzat eta Tenis ikastaroak 7 urtetik gorakoentzat.
Fadurako Udal Kiroldegiak uztailean eta abuztuan eskainiko dituen kirol ikastaroen egitaraua ezagutzera eman du dagoeneko. 520 plaza eskainiko dira eta lehendabiziko aldiz zozketa bidez lortuko dituzte interesatuek. Horrela, maiatzaren 17tik ekainaren 11ra bitartean ikastaroetan parte hartu nahi dutenek txartel bat hartu ahal izango dute (txartel bat familia bakoitzeko). Zozketak, beraz, ekainaren 16tik aurrera egin ahal izango diren matrikulen ordena zehaztuko du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun