Hitzarmena "oposizioko alderdiei bizkarra emanda" sinatu zela adierazi du Marisa Arrue Getxoko popularren bozeramaleak. Are gehiago, bere hitzetan, Udalak ardura hori zelan hartu duen ez du ulertzen PPko buruak, "auzotarren beharrizanik larrienak asetzeko, Aldundiarekin eguneko zentroen kudeaketa hitzartzeari uko egin diotenean".
Hondartzak garbitzeko 278.500 euro emango dizkio Getxoko Udalari Aldundiak (2004 Api 02)
Herriko bost hondartzen garbiketa beregain hartzeko, Bizkaiko Foru Aldundiarekin sinatu zuen hitzarmena baliogabetzeko eskatuko dio Getxoko Udalari talde popularrak. Rafael Moreno PPko zinegotziak adierazi duenez, "inolako ekarpenik ez du suposatzen udal erakundearentzat akordioa, are gutxiago auzokideentzat". Gaineratu duenez, "Aldundiak garbiketa noiz eta nola egin behar den esan, dirua jarri eta lanetaz ahaztu egiten da. Bitartean, giza baliabideak jarri behar ditu Udalak, berari ez dagokion lanerako".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun