Parte hartu duten erakusle gehienak Euskal Autonomia Erkidegokoak izan dira, Aragoi, Kantabria, Katalunia eta Madrilgoak ere izan diren arren. Izaera ezberdineko milaka objektu izan dira ikusgai erakusguneetan, filatelia, numismatika edota antigoaleko objektuak. Altzariak, enkanteak eta pinturak izan dira laugarren edizioko objektu salduenak.
Getxoko Almonedaren izaera ez da komertziala bakarrik, beste garai batzuetako objektuen erakusleihoa ere izan nahi baita. Objektuen aniztasun honek ahalbidetu du Getxon mota askoko bildumagile eta erosleak biltzea.
Getxoko Almoneda azokaren laugarren edizioa atzo bukatu zen, eta 5.000 bisitari bildu ditu irekita egon den lau egunetan. Guztira 50 erakusle izan dira Areetako geltokiko plazako 2.500 metro koadrotan. Antolatzaileek erakutsitako artkuluen kalitate eta aniztasun handia azpimarratu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun