Euskal Herriko artistez gain, Mexiko, Mallorca, Kantabria, Errioxa, Asturias, Galizia, Katalunia, Andaluzia, Kolonbia, Belgika, Argentina eta Murtzia bezalako tokietako artistak bilduko dira Getxon.
Aurreko urteetan legez, Getxon, toki guztietako artistek euren lanak stand batean erakutsiko dituzte. Getxoarte proposamenik gazteenen erakusleihoa da, orain arte anonimoak izan diren baina etorkizunerako proiekzioa daukaten artista berrientzat.
Publikoarentzako, eta arte plastiko eta bisualetako artistentzako, behatoki ezin hobea da, proposamen berriak ezagutzeko oso aproposa. Margolanak, eskulturak, argazkiak, bideoa, marrazkiak, grabatua, estetika erlazionaleko lanak, ekintzak eta performanceak oso ikuspegi erakargarria dira azokora doazenentzat.
Gainera, topaketa honen beste ezaugarri garrantzitsua artelana erakusteko esperientzia praktikoa izatea da, artista askorentzat euren jendaurreko lehen erakusketa izanik. Modu natural eta profesionalean, inolako oztoporik gabe, parte hartzaileek interesa daukaten ikusleekin hitz egin dezakete.
Getxoarten modu guztietako aukerak biltzen dira, proiekturik pertsonaletatik proiektu kolektiboetaraino. Gaur egungo euskal arte produkzioaren oraina eta etorkizuna da. Artearen kronika bizia den aldetik, erakusketak parte hartzaile guztien ilusioa eta energia transmititzeko ahalegina egiten du.
Getxoarte 2004 azokak 55 artista bilduko ditu ekainaren 4tik 6ra bitartean
2004ko mai. 26a, 23:51
Getxoarte Arte Sortu Berrien Aretoaren laugarren edizioa ospatuko da ekainaren 4tik 6ra bitartean, Areetako Geltokiko Plazako 2.500 metro koadroko karparen azpian. Oraingo honetan, 55 artistek parte hartuko dute, epaimahaiak 141 eskaeretatik hautatuak. Bere izenak adierazten duenez, ekimen honek Euskal Herriko arte-sormen berria sustatzea du helburu nagusia. Berria, egilea gaztea delako, edo molde berriz eginda dagoelako, eta horregatik publikoak oro har ezagutzen ez duelako. Aurreko bi urteetan, 5.000 pertsonak baino gehiagok ikusi zituzten erakusketako lanak, guztiak oso ezberdinak. Arrakasta honen ondoren, edizio berria aurkezten dugu.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun