Kirolak 2004-06-03 23:49

Munduko surflari gazte onenak asteburu honetan Sopelan

Erabiltzailearen aurpegia Ukberri
Asteburu honetan Arrietara hondartzan ospatuko den Billabong Pro Junior Sopelana 2004 surf txapelketaren aurkezpena hartu zuen atzo Sopelako udaletxean. Besteak beste, Euskal Herriko Surf Federazioak antolatuta eta Billabong babesle nagusia delarik, Bizkaian egiten den lehenengo aldia da. Horrela, ekainaren 4, 5 eta 6a bitartean, munduko surflari gazte onenak elkartuko dira bertan, Thaiti, Guadalupe, Maroko... etorritakoak, hain zuzen ere. Hala ere, euskal ordezkariak ez dira gutxiagorako izango. Irabazteko aukera garbiak dituzten Aritz Aramburu eta Hodei Collazo zarauztarrak ere lehiatuko dira.
Craig Sage Espainian Billabong-eko zuzendariak nabarmendu zuenez, bere hondartzen ezaugarriengatik eta bertatik sortu diren "surflari onengatik", "euskal surfaren harrobia" da Sopela. Horrela, Hossegor (Frantzia) herrian jokatutako frogaren ostean, bigarrena egingo da Arrietaran Europako Gazte Zirkuitoaren barruan. Besteak beste, Europako zein munduko 44 suflari lehiatuko dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa