Getxoarte azokaren laugarren edizioak 4.000 bisitari inguru izan ditu asteburuan
Arte sortu berrien Getxoko azokak, Getxoartek, 4.000 ikusle inguru bildu ditu asteburu honetan herri bizkaitarrean. Azoka getxotarrak atzo itxi zituen ateak, 55 artista gazteren lanak hiru egunetan zehar erakutsi ondoren. Antolakuntzako iturriek jakinarazi dutenez, Getxoarten ikusgai izan diren pintura, eskultura, argazki, ikusentzunezko muntaia eta estetika erlazionalen ezaugarri nagusia "orijinaltasuna, freskotasuna eta lotsagabekeria" izan dira.
Parte hartu duten autoreen ehuneko 70etik gora 21 eta 25 urte artekoak izan dira. Horregatik, kasu askotan, lehen aldiz erakutsi dituzte publikoki beren obrak. Gainera, ia artista gehienek EHUko Leioako campuseko Arte Ederren fakultatean ikasi dute edo ari dira ikasten, bai eta Erasmus programaren bitartez ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun