Epaia, 2000ko irailaren 8an, Urdulizko XV. Andra Mari sari Nagusia egin zenean gertatu zen istripuari dagokio. Gatikako baserri bateko bizilagun bat bere autoarekin galtzadan sartu zen eta tropelarekin aurrez aurre jo zuen. Hainbat txirrindulari aurretik eramateaz gain, ibilgailurekin talka egin zuen, horien artean moto eta automobil bana. Istripuarengatik klubari eskatzen zaion kalte-ordainaren zati gehiena motorzalearentzat da, honek, laneko bajan lau hilabetez egoteaz gain, ondorioak utzi dizkioten zenbait lesio izan baitzituen.
Punta Galea Txirrindulari Elkarteko Batza Artezkariak eta bazkideek hartu duten erabakiak bost probetan dauka eragina. Horien artean, uztailaren 31n, Iñaki Deuna egunean egin ohi duten profesionalentzako Getxoko Zirkuitua dago.
Punta Galeako arduradunek bere erabakia bere horretan utziko dute erakunde publikoek edo organismo pribatuek 37.000 euroen ordainketa bere gain hartzen duten arte. Ildo horretatik, batzar horretan bertan Getxoko Udalari, Eusko Jaurlaritzari, Bizkaiko Foru Aldundiari eta Bizkaiko Txirrindularitza Federazioari presazko bilera egitea eskatu zitzaien egoera honi irtenbidea bilatzeko.
Ezohiko Batzar Nagusian, egutegiko proba guztiak bertan behera uztea erabaki du Punta Galea Txirrindulari Elkarteak, itzulien antolaketa segurtasunez ezin baitu burutu. Gaur egun probetan indarrean dagoen araudiak dauzkan gabeziak kubritu ahal izateko beharrezkoa izaten da aseguru-polizak izenpetzea eta ezinezkoa egiten zaio taldeari. Izan ere, 37.000 euro ordaindu behar dituzte antolatu zuten itzulietako batean gertatu zen istripu batengatik kopuru hori ordaintzera behartzen duen Justizia Auzitegiko epai baten ondorioz. Epai horretan istripuaren erantzule zibiltzat jotzen dute Punta Galea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun