Teruelera iristeko ordu erdi falta zitzaiela izan zuten ezbeharra: aurretk zihoan autoa jo, beren ibilgailuaren kontrola galdu, irauli, eta hainbat buelta eman zituzten. Hori dela eta, kolpe handiak jaso zituzten.
Zehazki, M.G.G. emakumezkoa da zauri larrienak dituena: lepa-uztaia apurtu du, pelbisean fisura dauka eta ornoak kolpatuta ditu. E.E.P. gizonezkoak, berriz, bizkarrean eta ornoetan kolpe ugari ditu, eta bularrezurrean fisura. M.E.P. Tokero presoaren koinatuak, berriz, biriken ondoko bi saihets hautsi ditu eta kolpe asko dauzka gorputz guztian. Hiruak erietxean daude, anbulantzian Euskal Herriko ospitalen batera ekartzeko zain. J.A.E. Tokeroren ilobari, berriz, atzo eman zioten senda agiria.
Jose Mari Tokero Teruelgo espetxera bisitatzera zihoazela, trafiko istripu larria izan zuten igande goizean euskal preso sopeloztarraren koinatuak, ilobak eta bi lagunek. Horietatik hiru ospitalean jarraitzen dute oraindik, Teruelen (Aragoi), Euskal Herriko erietxeetara anbulantziaz noiz ekarriko dituzten zain. Etxerat elkarteak salatu duenez, sakabanaketa politikak aurten eragin duen 25. istripu larria da Tokeroren senide eta lagunek izandakoa. Ezbehar horietan 73 senide eta lagun zauritu direla nabarmendu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun