Gizon arruntaren koplak abestiko gizon horietakoak ziren inguratuta nindukatenak, udan zein neguan koadrodun alkandora daramatenak eta bizitzaren arlo guztietaz inork baino gehiago dakitenak. Baina hori beste kontu bat da. Orain, inporta diguna gizon horiek Espainiako selekzioaren alde egiten zutela da, adimen eskasa agertzen zuten esaldi eta oihuz lagunduz Jose Angel de la Casa eta Michel gogaikarrien iruzkinei (norgehiagoka garrantzitsuetarako benetako pedigri espainiarra eta Real Madrilzalea daukaten esatariak ipintzen dituzte). Nire ingurura begiratu nuen. Ez nengoen Salamancan edo Badajozen, giro espainiarzale itogarriak momentu batez pentsarazia zidanez. Larrabasterran nengoen. Euskal Herrian.
Futbola boteretsuen tresna dela esaten da. Hori bi aldiz egia da Euskal Herrian. Hemen, ohiko funtzio narkotikoaz gain, futbolak beste zeregin bat ere badu: euskaldunok, baita abertzale askok ere, zapaltzen gaituen estatuaren alde egitea telebista baten aurrean. Zergatik? Egongo da azalpenik, baina nik ez dakit. Niretzat, herri honek duen misterioetakoa da hau, abertzaleak gehiago izanda egunkari espainiarzaleak gehiago saltzearen parekoa. Askok euskal jokalariak bertan aritzea erabiltzen dute aitzakia moduan, baina aitzakia merkeegia da hori. Ni neu behintzat, atzerritar sentitu nintzen Larrabasterrako taberna hartan, nire herrian egon arren.
Tabernan nengoen, zerbait edaten. Telebistan Espainiako futbol selekzioaren partidua ematen ari ziren. Espainia-Errusia. Nik, noski, Errusiak irabaztea gura nuen. Hobeto esanda, Espainiak galtzea. Beraz, isilpean errusiarren alde egiten hasi nintzen, haien jokaldi bakoitzari indar eman guran edo. Isilpean diot, taberna hartan Espainiaren alde nabarmen –eta ozen, bide batez esateko- egiten zuten 40-50-60 urte inguruko hainbat gizonez beteta zegoelako. Etsaiaren etxean hobe gehiegi ez nabarmentzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun