Fernando Burzaco Getxoko Udaleko Ingurumen zinegotziaren arabera, "Zeharkako lana aurrera eramatea da Eskola Agenda 21 delakoaren ekintzen ezaugarrietako bat, hau da, zentroetako ikasgai guztietan eta bertoko talde guztiekin lan egitea".
Eskola Agenda 21 martxan jartzeko, zentro guztiek ingurumen azterketa egin beharko dute, adierazle ofizialek ezarritako helburuak lortzeko, egin beharreko ekintzak zehazteko. Aurreikusitako denboraldia igaro ondoren, lortutako emaitzei buruzko azterketa egingo dute.
CEIDA programaren bitartez, aholkularitza eskainiko die ikastetxeei Eusko Jaurlaritzako Ingurumen Sailak eta, Hezkuntzako Sailak, bere aldetik, ezarritako proiektuak aurrera eraman ahal izateko, irakasleei lagunduko die eta dirulaguntzak ere emango ditu.
Eskola Agenda 21 nahi duten zentro guztientzat dago zabalik eta duela gutxi osatu den Getxoko Ingurumen Tokiko Gunean ere bere tokia izango du.
Momentuz Getxoko sei zentro batu dira Eskola Agenda 21era. Baina 2006 urterako zentroen erdiek parte hartzea aurreikusten da eta 2012rako guztiek.
Eskola Agenda 21 jarriko dute martxan Getxo udalerriko sei ikastetxek
2004ko eka. 17a, 22:34
Getxoko sei ikastetxek bat egin dute Eskola Agenda 21 ekimenarekin. Hau Getxoko Tokiko Agenda 21 delakoaren barruan kokatzen da eta eskoletako kolektiboek udalerriaren jasangarritasuna sustatzen eta ingurumena zaintzen esku hartzea da helburua. Eusko Jaurlaritzako Ingurumen eta Hezkuntza Sailek, Getxoko Udalak, Gobela eta San Nikolas ikastolek, Juan Bautista Zabala eta Larrañazubi Lehen Hezkuntza ikastetxeek, eta Aixerrota eta Julio Caro Baroja Bigarren Hezkuntzakoek hartuko dute parte ekimenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun