Kultura 2004-06-18 17:28

Udalekuak egingo dituzte uztailean Gorlizen

Erabiltzailearen aurpegia Ukberri
Bartzelonako Forumera bidaia antolatu du Kultur Etxeak

Uztailaren 5etik 23ra bitartean, 6 eta 12 urte bitarteko neska-mutilentzako udalekuak antolatu ditu Gorlizko Kultur Etxeak. Herrian bertan egingo dira, hemeretzi egunetan zehar, 11:00etatik 14:00etara ordutegian. Izena emateko, 75 euro ordaindu beharko dute Gorlizen erroldatutakoek eta 117 euro kanpokoek. Horretarako, ekainaren 30era arte egongo da zabalik epea.
Beste alde batetik, Bartzelonan dagoen Kulturen Forum Unibertsala 2004era bidaia antolatu du Gorlizko Kultur Etxeak. Uztailaren 2an abiatuko da herritik Kataluinako hiriburuan dagoen Rubens hotelerako autobusa. Hurrengo egunean, gozaria hartu eta Forumeko erakusketak, ikustaldiak, dendak, tailerrak, jolasak eta azokak ezagutzera joango dira. Azkenik, Gorlizera itzuliko dira ekainaren 4an, gozaldu ostean.

Hauek dira bidaiaren salneurriak:

- Helduak: 129,10 €

- Gazteak (17-25 urte): 124,50 € (Gorlizen erroldatutakoak 100 €)

- Umeak: (7-16 urte) 121,70 € / (0-6 urtekoak) 40 €

Autobusa, hotela, buffet gosarĂ­a eta Forumeko sarrera sartzen dira salneurrian.

Informazio gehiago, Gorlizko Kultur Etxean (946 77 40 05)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa