Iñaki Hidalgo Bizkaiko Foru Aldundiko Herri Administrazioko diputatuak, Angel Gondra Euskal Kostaldea Bizkaia elkarteko presidenteak eta Alex Ubago abeslariak berak aurkeztu zuten atzo, Kostaroa 2004, Bizkaiko Foru Jauregian; baita Ubagok Ereagan eskainiko duen kontzertua ere, programako lehendibiziko jarduera, alegia. Ordu eta erdiko iraupena edukiko du emanaldiak. "Denon artean gurea kanpoan saltze da programa berri honen helbururik nagusiena", Gondrak aipatu duen bezalaxe.
Antolatzaileek jakinarazi dutenez, Bizkaiko hainbat herrik ekitaldi ezberdinak antolatuko dituzte Kostaroa 2004 programa barruan. Horrela, azokek, kontzertuek, tailerrek eta festek garrantzia handia izango dute honen garapenean. Hortaz, Portugaleten, Getxon, Sopelan, Plentzian, Gorlizen, Bakion, Bermeon, Mundakan eta Gernikan ere jaialdiak egingo dituzte.
Alex Ubagok Ereagan eskainiko duen kontzertuak inauguratuko du Kostaroa 2004
2004ko eka. 22a, 23:58
Alex Ubago abeslari donostiarrak azteazken honetan 22:30ean hasita, Algortako Ereaga hondartzan eskainiko duen kontzertuak emango die hasiera Kostaroa 2004 programaren barruan antolatutako ekitaldiei. Bizkaiko kostaldea sustatzeko asmoz, Foru Aldundiaren eta Euskal Kostaldea Bizkaia elkartearen elkarlanari esker sortu da egitasmoa; baita hainbat kontzertu eta ospakizun jasoko dituen udako egitaraua ere. Biharko sarrera doan izango dela eta ahalik eta jende gehien joatea espero dutela jakinarazi dute antolatzaileek. Getxoko Udalak, berriz, bertan jende asko bilduko dela ikusita eta edozein ezbehar saihesteko asmoz, prebentzio neurriak ezarri ditu. Horien artean, Ereagara joateko garraio publikoa erabiltzeko gomendioa egin du. Eta Mediku Gunea ere egongo da hondartzako sorospen etxolan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun