Testuak gaztelaniaz, euskaraz, ingelesez eta frantsesez dituen liburu honek hiru herrigune nagusien aniztasunean oinarritzen da bereziki; Altzaga, Astrabudua eta Erandio Goikoa alegia.
Zehazki, 112 orrialde eta koloretan egindako 122 argazki ditu. Argazki asko airetik egindakoak eta formatu handikoak dira. FOAT (Fotografía Aérea y Terrestre) enpresak argazki-lanetarako bereziki diseinatu zuen hegazkinetik egindakoak. Irudien dokumentazio-fondo zabal batetik aukeratu ziren argazkiak.
Erandioko Udalak eta Edyfoat argitaletxeak batera argitaratu dute "Erandio" liburua. Bertan udalerriko eta inguruko lekurik esanguratsuen airetiko irudiak azaltzen dira (100 iruditik gora) eta Bizkaiko eskualde honen historia, jarduera, ekonomiaren garapena eta itxuraldaketari errepasua egiten zaie. Hitzaurrea Mikel Arieta-araunabeña alkateak berak egin du eta liburuak José Ignacio Ruiz de Olabuenaga katedratikoak egindako testuak ditu. Liburua 30 eurotan dago salgai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun