"Baina, datozen lau urteetan, eskaintzen ditugun enborrezko ikasgai guztiak euskaraz eman behar ditugu. Gertatzen dena da orain ari garela hitz egiten iraganeko hitzak erabiliz. Benetan, eta nik hala uste dut gertatuko dela. Europako unibertsitate esparrura abiatzen bagara eta tituluen eredu berriak ezartzen badira, uste dut gradu-titulu guztiak euskaraz eskainiko ditugula", azaldu du.
Kasu horretan, bere iritziz, graduondoko tituluei dagokienez zein eratako hizkuntza eskaintza egitea izango da erronka, hau da, doktorego ikasketei eta masterrei dagokienez. "Hor uste dut eskemak aldatu beharko ditugula, eta hasi beharko dugula pentsatzen hainbat titulu ingelesez emango ditugula, eta ez euskaraz edo gaztelaniaz, beste hainbat euskaraz bakarrik, eta besteren bat gaztelaniaz bakarrik, eta baliteke titulu batzuk hiru hizkuntza horietako bitan ematea", gaineratu du.
Graduondoko tituluei dagokienez, gauzak "beste era batera" diseinatu beharko dituztela ziurtatu du EHUko errektoreak, "tituluen egitura eta filosofia eta planteamendu guztia berria izango delako, eta orain arteko ereduek ez digutelako balioko", azaldu duenez.
Euskal Herriko Unibertsitateak datozen lau urtetan enborrezko ikasgai guztiak euskaraz emango dituela iragarri du Juan Ignacio Perez Iglesias errektoreak. Halaber, EHU Europako unibertsitate esparrura abiatzen bada gradu-titulu guztiak euskaraz eskaini beharko direla gaineratu du. Euskadi Irratiari eskaini dion elkarrizketa batean, Perez Iglesiasek azpimarratu du enborrezko ikasgai guztiekin osatu behar dela euskalduntze prozesua, "salbuespenen bat" egon daitekeen arren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun