Antolakuntzako iturriek jakinarazi dutenez, bertso modalitate ikusgarri honetan, bi bertsolariek bi balkoietatik botatzen dituzte beren bertsoak, 1802an Tolosan hasi zen tradizioa berpizteko asmoz. Oraingoan, ekitaldi honen zazpigarren edizioa izango da Algortan, 1998an San Nikolas Plazan lehenengo aldiz ospatu zenetik, publikoaren erantzuna apartekoa izanik.
Ohi bezala, bertso modalitate hau oso berezia denez, saioa iluntzean hasiko da. Ekitaldiaren erakargarritasuna indartzeko ariztapen berezia jarriko da Algortako Portu Zaharrean. Bertan, publikoak bi bertsolari gazte eta gailenen bertsoez gozatu ahal izango du.
Getxoko Udaleko Euskara Zerbitzuak eta Algortako Bertsolari Eskolak (ALBE) "Balkoitik Balkoira" saioaren beste edizio bat antolatu dute, eta bihar izango da, Algortako Portu Zaharreko Etxetxu plazan. 22:00etan hasita, Amets Arzallus eta Fredi Paia bertsolari gazteak parte hartuko dute. Sarrera dohainik izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun