Bestetik, astelehenean udal erregistroan aurkeztutako Jai Herrikoien Aldeko mozioa irakurri dute Getxo Biziako ordezkariek. Bertan www.manifestua.org orrian irakurri daitekeen eta Bilboko konpartsekin batera beste gizarte eta kultur talde askok bultzatutako manifestua aintzat hartzea proposatzen diote udalari. Eta aldi berean adierazpen askatasunean oinarritutako jai herrikoien eredu parte hartzailearen alde egitea eta udalerriko jai batzordeei laguntza eta babesa eskeini eta biderkatzea.
Azkenik PP eta PSOEko ordezkariek Getxo Biziaren "ahotsa isilarazteko" gaur bertan egin duten "enegarren maniobra" salatu nahi izan dute plataformako kideek. Euren hitzetan, "Getxo Biziak udal hauteskundeetan jaso zuen milaka herritarren babesa du, ez gehiago, ez gutxiago, eta babes horren zilegitasunez ari da lanean. Dagokigun ordezkaritza ezagutua eta egikaritua izatearen alde egingo dugu tinko, eta ez dugu inola ere onartuko diktadore kumeek hitz egiteko eskubidea ere uka diezaguten".
Udalan langileen hitzarmena negoziatzeko mahaia osatzeko eskatu du Getxo Biziak
Udal eta foru langileen hitzarmenaren aurrean, EAJ eta EAko udal eta foru aldundietako ordezkariek gehiengo sindikala baztertu izana salatu du Getxo Biziak, gaur goizean egin den Udal Batzarrean. Udal bakoitzean eta baita Getxoko Udalean ere negoziazio mahaiak irekitzeko ELA eta LABek eginiko deialdiaren alde eginez, datorren astelehenean bertan horren aldeko mozioa aurkeztuko dutela iragarri dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun