Getxoko Udaltzain Etxera deituta ohartu zituen polizia agenteak auzokide batek. Horiek bi gazteak atxilotu zituzten ostutako gauzak aldean zeramatzatela eta Algortako Andres Cortina kaletik ihesean zihoazela, polizia iturrien arabera.
Atxilotuak, Berangoko D.G.B. eta Urdulizko J.S.A. dira, 28 eta 27 urtekoak, hurrenez hurren. Polizia iturrien arabera, horrelako delituetan aurrekari ugari dute, eta gaur bertan eramango dituzte epailearen aurrera. Gainera, bietako batek epailearengana joateko beste agindu bat omen du. Udalerrian duela egun gutxi autoetan izandako beste lapurreta batzuekin zerikusia duten ala ez ikertzen ari da Getxoko Udaltzaingoa.
Getxoko Udaltzaingoak Berango eta Urdulizko bizilagunak diren bi gazte atxilotu ditu goizaldean, Algortako erdigunean aparkaturik zeuden bost autoren barruan lapurtzeagaitik. Ibilgailuak irekitzeko tresneriaz gain, CD autoirrati aparailua, bi bozgorailu, eguzkitako zenbait betaurreko, argazki kamera eta 50 bat CD atzeman dizkiete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun