Gainera, langilearen egoera zein zen ez zekitela nabarmendu zuen Zarraoak. Hala ere, berdin jokatuko zutela gaineratu zuen, "jokabide onagatik epaileak baldintzapeko askatasuna eman ziolako eta, ondorioz, bere eskubide zibil guztiak indarrean zeudelako".
Gaur egun espetxean dago langilea
Patxi Zabala 1992 atxilotu zuten eta urteak kartzelan egon ondoren, baldintzapeko askatasunean atera zen. 2003ko apirilean Getxoko Udalak kontratatu zuen eta 2004ko martzoan berriro ere atxilotu zuten zigorretik geratzen zitzaizkion hiru urte t'erdiak betetzeko, "Gara" egunkariak jakinarazi duenez. Gaur egun espetxean dago.
Espainiako Gobernuko buru zirela, PPk abian jarritako "mendeku politikoari" egotzi dio Zarraoak, kartzel zigorraren gehiengoa bete ostean, hainbat lagunek berriro ere espetxean amaitzea. Patxi Zabalari gertatutakoa "izugarrizko bidegabekeria" iritzi zion Getxoko alkateak.
Asteartean Luis Almansa Getxoko PSE-EEko bozeramaleak egindako akusazioak gezurtatu zituen atzo Iñaki Zarraoa alkateak. ETAri laguntzea leporatuta kondenatua izan zen pertsona kontratatzeagatik, zinegotzi guztien biziak arriskuan jartzea leporatu zion EAJri sozialisten buruak. Zarraoak azaldu zuenez, oposizioak egin zituen aipatutako lagunak. Nahiz eta horien bidez lanpostua ez lortu, udal lan poltsan sartu zen. "Gezurra de udaletxera sartzeko scanner-aren ardura zeukanik. Udaletxean obrak zirela eta, Erregistro Bulegoaren inguruetan egin behar izan zuen lan, eta bertatik ez dira PSE-EE eta PPko zinegotziak sartzen", argitu du Getxoko alkateak. Horrela, Almansari gezurra esatea leporatu dio: "Inolako arrazoirik gabe, susmoak eragin dituzte. Ahal dela, guztia kakaztea dute helburu".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun