Belén Greaves Bizkaiko Kultura Saileko diputatuaren iritziz, "udal, eskualde eta lurralde mailan politikak eta gestioak optimizatzearen bitartez hiritarren bizitza kalitatea eta ongizatea kuantitatiboki eta kualitatiboki hobetzea da" azken helburua. Hobekuntza hori, gaineratu duenez, ditugun eskaintzak, programak, erabilera eta instalazioak zehazki ezagutuz bakarrik da posible hobekuntza".
Deustuko Unibertsitateko Aisialdiaren Ikasketen Institutuko profesionalen talde batek egina da lana, eta formato bikoitzean editatu da. Alde batetik, liburua kaleratu da, lurralde osoko hobekuntzarako azterketa, diagonostiko eta proposamenak eginez; bestalde, CD-ROMa burutu da, eskualde bakoitza zehazkiago aztertuz.
Ikerlana gaur aurkeztu zaie, Eudelen egoitzan, Bizkaiko udalerrietako alkate eta kultura arloko arduradunei. Greavesen esanetan, "beren herrietan ez ezik, ingurukoetan zer dagoen jakin dezaten" egin da lana, eta baita "hobekuntzarako eta hobeto aprobetxatzeko aukerak ezagutzeko" ere. Halaber, datorren udazkenetik aurrera, datu-base hau Bizkaiko Foru Aldundiaren webgunean egongo da eskuragai.
Besteak beste, Uribe Kostako eskaintza kulturala jaso du mapa batean Aldundiak
2004ko uzt. 5a, 23:00
Bizkaiko Foru Aldundiak lurraldeko eskaintza kulturalari buruzko mapa bat burutu du, lurralde guztiaren azterketa zabal eta zehatz bat eginez. Lanaren helburua, eskaintzen diren zerbitzuak zenbatzea eta aztertzea da, ahalik eta hobekien eskaini daitezen. Erakuspenak 13 eskualdetan banaturik dauden udalerriak aztertzen ditu: Nerbioi Garaia, Arratia Nerbioi, Bilbo, Busturialdea, Durangaldea, Enkarterriak, Lea Artibai, Eskuin Ibarra, Ezker Ibarra, Mungialdea, Txorierri, Uribe Kosta eta Meatzaldea. Bilduriko informazioa 2001ean zehar izandako eskaintza kulturalari dagokio.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun