Duela gutxi abian jarritako "Getxo ekinean" proiektuak, aurrekoek ezarritako helburu berberak mantenduko ditu, hau da, lan merkatuan sartzeko aukera gutxi duten pertsonei laguntza ematea: emakumezkoak, menpekotasunak dituzten lagunak, oinarrizko errenta jasotzen dutenak eta epe luzeko langabetuak. Horiei guztiei eskaintzen zaizkie motibazioa, formakuntza, enpresetan praktikak eta bekak. Horrez gain, autoenplegua bultzatzen dute lan munduan sartzeko era egokiena delakoan. Jorratzeko arloak ere aurrekoetan ezarritakoak dira: haurtzaroa, adinekoak eta mepekotasunak dituzten pertsonak, baina arlo horiek dituzten beharrak lehen baino hobeto ezagutzen dituzte, eta beraz, "Getxo ekinean" egitasmoak aurrera joateko aukera gehiago du.
Gaur eginiko aurkezpenean, "Enplegua indartzen plus" izeneko programari buruzko datuak azaldu ditu Iñaki Zarraoa alkateak. Horrela, parte hartu nahi izan duten 367 lagunetatik, 96k formakuntza lortu dute, 71ek praktikak egin dituzte, 68k bekak jaso dituzte eta 49k kontratua lortu dute. Autoenpleguaren arloan, 61 lagun artatu dituzte, 20k formakuntzan hartu dute parte, 3 enpresa berri sortu dira eta 5 lagun lan munduan sartu dira. Aipatutako zifrek, Udalak hasiera batean jarritako helburuak gainditu dituzte. Balantzea, erabat baikorra da Iñaki Zarraoaren hitzetan, "ezarritako helburuak bete dira eta pertsonek lana bilatzeko lanetan gogo gehiago edukitzea lortu dugu"
Enpresa sarea
Behargintza, Enplegu eta Ekonomia Garapenerako Zentroaren bidez, Udala udalerriko eta inguruetako mila enpresekin jarri da harremanetan "Enplegua indartzen plus" egitasmoari esker, eta enpresa sarea eratu du. Hori dela eta, "Getxo ekinean" proiektu berriak lana errazagoa izango du.
Herritarren partaidetza, enpresarekiko hurbilketa eta zeharkakoa eta berrikuntza jorratzen jarraituko dute, diskriminazio positiboa eta prebentzioa helburuak izanda.
Fernando Urkiola Bizkiako Foru Aldundiko enplegu zuzendariak adierazi duenez, arlo bastertuetan lana bultzatzeko udalek egiten duten lana ezinbestekoa da, "horiek direlako herritarrak ondo baino hobeto ezaguntzen dituztenak eta langabetuen egoeratik hurbilago daudenak.
"Getxo ekinean" aurkeztu da langabetuei merkatuan sartzeko erraztasunak emateko
Getxoko langabetuei lan merkatuan sartzeko erraztasunak emateko jaio berri den "Getxo ekinean" izeneko egitasmoa aurkeztu du gaur Getxoko Udalak. Udalak berak, Bizkaiko Foru Aldundiak eta Europako Fondoak finantzatutako 625 mila euroko aurrekontua du "Getxo Aktibak". Ekimen berria, aurretik martxan jarritako "Enplegua indartzen" eta "Enplegua indartzen plus" egitasmoen jarraipena da eta bi horien bitartez lortutako esperientzia eta ezaguerak erabiltzeko asmoarekin jaio da, bai erabilitako lan era baita merkatuari buruz batutako informazioa ere. Enplegu munduan sartzeko erraztasunak eman eta enpresa ekimenak sustatzea da helburua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun