Afrikak kontzertua emango du bihar Berangon
2004ko uzt. 8a, 21:54
Afrika Bibang algortarrak eta bere taldeak "Entzun" lehenengo diskoa aurkeztuko dute bihar berangoztarrei. Hala ere, aurretik herriko bi talde entzuteko aukera egongo da, Idiliar eta Patada en la papada alegia. Kontzertua 22:00etarako dago iragarrita, udaletxe alboan dauden Elexaldeko zelaietan. Hain zuzen ere, euskara sustatzeko ekimenen barruan antolatu du Berangoko Udalak.Sarri ikusi izan dugu agertokietan Afrika eta sarri ere hainbat diskotan entzun kolaboratzaile gisa (aspaldian Etsaiak taldearekin eta azkenekoz Fermin Muguruzarekin). "Entzun", ekuatoreginear jatorriko euskaldunak, bere izenez sinatzen duen lehena da eta euskal musikari haize berriak dakarzkio, izan ere elektronika, r’n’b, soul eta beste zenbait iturrietatik edaten duen musika biltzen du, hasieratik harrapatzen zaituen ahots batek gidatua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun