Ekimen hau gure udalerrian aurrera eramaten ari diren Euskararen erabilpenerako Normalizaziorako Plangintzaren barruko "GEHI-Getxo Euskalduntzeko Hitzarmena" programaren barruan kokatzen da. Honen bitartez herriko 21 gazte-elkarterekin euskararen erabilpena bultzatzeko hitzarmena sinatu zen eta orain kirol eta kultur elkartetara zabaldu nahi dute. "Kirol elkarteekin hasiko gara, kirola gazteen ohiko jarduera baita eta Euskal Autonomi Erkidegoan euskararen normalizazioa lortzeko egiten den planteamenduak gazteei ematen die lehentasuna, hauek baitira gizartearen talde euskaldunduena" adierazi du Iñaki Zarraoa alkateak.
Azterketaren faseak
Ikerketak elkarteak eta Udalak antolatutako kirol ekitaldiak ez ezik Getxon eta Fadurako Kirol ekitaldian dauden 55 elkartek antolatzen dituztenak ere hartuko ditu kontuan. Getxon beste elkarte batzuek antolatzen dituzten ekitaldiak ere aztertuko ditu. Bestalde, azterketak honako hamar fase hauek izango ditu: eremua zehaztea, zeharkako informazio iturrien ustiapena (Eusko Jaurlaritzarena, Foru Aldundiarena eta beste esperientzia batzuena...), egin beharreko lana zehaztea, lehen proiektuaren barne aurkezpena (Euskara Sailari, Fadurari, Kirol Sailari...), alorraren hizkuntz-diagnostikoa, kirol taldeekin proposamenak, helburuak eta hitzarmenak adostea, hitzarmenen jendearen aurretiko ekitaldia, emaitzak herritarrei ezagutzera ematea, jarraitzeko egitura prestatzea eta urtebeteko lanaren ebaluaketa.
Kirol ekitaldietan euskararen erabilpenari buruzko azterketa-diagnostikoa eta plan estrategikoa esleitzeko lehen urratsak ematen hasi da Getxoko Udala. Helburuak hiru izango dira. Lehenengoa Getxon antolatzen diren kirol ekitaldien diagnostiko soziolinguistikoa egitea da, hau da, kirol ekitaldi baten alorrean izaten den euskararen erabilpena zehaztea, esate baterako, kirolarien arteko harremanetan, entrenatzaileekikoetan, megafonian eta ekitaldiak iragartzeko paperetan. Bigarrena kirol ekitaldietan euskara bultzatzeko plangintza egitea izango da eta hirugarrena kirol elkarteei Udalak eskein diezaizkien laguntza moten proposamenak egitea. Enpresa batek egingo du aipatutako ikerketa eta plan estrategikoa 25.000 gehienezko zenbatekoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun