Hain zuzen ere, "Itzubaltzeta Gaztetxea euren adineko auzotarrentzat ez ezik, bizilagun guztientzat ere elkargunea" izatea nahi dute Erromoko gazteek. Bertan, inguruko bizilagunek eskatutakoaren araberako ekintza kulturalak egingo dituztela iragarri dute. Besteak beste, mahainguruak antolatu nahi dituzte proposatzen diren gaien inguruan. Eta auzoko jaietarako (abuztuaren lehenengo astea) taberna jartzea eta zenbait kontzertu ematea espero dute.
Gainera, ordutegiei, musikaren bolumenari zein eragozpenak sortu ditzakeen beste edozeren inguruan, "inguru horretako bizilagunen ohiturak errespetzeko" asmoa agertu dute gazteek. Ildo berean, "auzotarren kexak eta iradokizunak entzuteko prest" daude. Izan ere, "Kultur Etxeak antolatutakoen ikusleak baino ez izan beharrean, ekintzen antolaketan parte hartze zuzena ahalbidetzeko elkargunea" sortu nahi dute.
Eraitsia izateko arriskua
Erromoko Santa Eugenia kaleko 12. zenbakiko etxea Bizkaiko Foru Aldundiari eman zion Getxoko Udalak, bertan adimen-urrituentzako eguneko zentroa egiteko. Hain zuzen ere, ekainaren 19an gazteek etxea hartu zutenetik, behin baino gehiagotan izan dituzte udaltzainak atean, bertatik joan behar direla esanez.
Getxoko Udalak emanda ditu jada etxea botatzeko pausuak. Uztailaren 5ean, etxea uzteko aginduaren berri eman zitzaien gazteei, Jose Souto Udaltzaingoko nagusiak haunbat komunikabideri egindako adierazpenen arabera. Ordutik hamar egunera bertatik irteten ez baziren, epailearen agindua eskatuko zuela gaineratu zuen Soutok.
Eguneko zentroko lanak hasi arte, bertan egoten utz diezaietela eskatu dute Itzubaltzeta gaztetxekoek
Adimen-urrituentzat eguneko zentroa egiten hasi bezain laster, Itzubaltzeta Gaztetzea dagoen Erromoko Santa Eugenia kaleko etxea utzi beharko dutela onartzen dute gazteek, "El Correo" egunkariak jasotzen dituen adierazpenen arabera. Hala ere, lanak hasi arte, bertan egoten utzi diezaietela eskatu dute "eta ez orain dela bost urte gertatu zen bezala, gizarte-etxebizitzak egiteko gaztetxea bota zutela, eta oraindik ez direla etxeak egiten hasi", nabarmendu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun