Zerbitzua berriro ere martxan jartzeko hainbat aukera dituzte esku artean udal arduradunek. Gainera, Eusko Jaurlaritzako teknikari bat bertan egon da falta dena ikusi eta, lehenbailehen material berria jar dezatela eskatzeko.
Besteak beste, zerbitzua udaletxea zabalik dagoen ordutegian besterik ez eskaintzea, uztaileko arratsaldetan lau ordutan begirale egon nahi duen baten bat hartzea edota "berme gehiago eskaintzen duen toki batera aldatzea" aztertzen ari dira, Igartuak azaldu duenez.
Udaletxeko azken solairuan dagoen "Kzgunea" iztea erabaki du Gorlizko Udalak, "informatika gailuen hainbat lapurreta" gertatu direlako bertan, Patxo Igartua alkateak adierazitakoaren arabera. Euro Press agentziak jakinarazi duenez, urte hasieran hasi omen ziren arazoak, zentroko ardura zeukan begiralea, bertan egunero egon beharrean, astean behin joan zedila erabaki zuenean Eusko Jaurlaritzak. Horrek Gorlizko Independienteen kritikak eragin ditu. Alderdi horren esanetan, "harrigarria da lapurretak udaletxean bertan gertatzea, Udaltzaingoa egonik. Are gehiago, Kzgunean begiralea egoteko "exijitzeko gaitasunik eza" kritikatu du GIek. Hala ere, hartutako neurria "denbora baterako baino ez" dela adierazi du alkateak, "lapurtutako gailuak berriz jarri eta zentroa segurtasun osoz irekitzeko irtenbidea aurkitu arte".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun